Македонска и унгарска музика на вечерашниот концерт на „Скопско лето“

Дома / Македонска и унгарска музика на вечерашниот концерт на „Скопско лето“
Loading Events
22
Јули
Среда

Македонска и унгарска музика на вечерашниот концерт на „Скопско лето“

Локација: Сули Ан
Цена: 100 денари

„Музичка раскрсница“ е насловен концертот со музика од македонски и од унгарски автори, кој вечер од 19.30 часот ќе се одржи во Сули ан во рамки на „Скопско лето“.

Ќе настапат флејтистите Жужана Ѓурина од Унгарија и Страшо Темков и пијанистката Елена Атанасовска-Ивановска. Тие ќе изведат дела од македонски и од унгарски композитори: Коларовски, Фаркаш, Петровски, Лист, Зографски, Барток, Костов и Доплер.

Дирекцијата за култура и уметност-Скопје, организатор на „Скопско лето“, потсетува дека и овој концерт, како и сите настани од фестивалската програма, ќе се одржи согласно со протоколите – бројот на публиката ќе биде ограничен со задолжително почитување на мерките: носење заштитни маски, мерење телесна температура, физичка дистанца во гледалиштето и дезинфекција.

Влезниците се по цена од 100 денари, се продаваат онлајн на kupikartizase.com или во  „Југотон“ во Градскиот трговски центар.